消失的街道︰廣福新橋（大埔區）15-8-2014

終於的起心肝寫第二條的消失的街道，位於大埔區的廣福新橋，背後原來有過百年歷史。



廣福新橋於1957年7月26日命名，本來的廣福橋早於1896年，跨過林村河連接太和及大埔墟，1948年廣福橋改建為公路橋，在1957年命名為「廣福新橋」，但一般人都是繼續稱呼為「廣福橋」。

 

1941年的廣福橋

由於現時大埔中心一帶是填海地，廣福橋在八十年代前，是連接太和及大埔墟的主要道路，但大埔中心一帶在八十年代填海，往廣福道就改經寶鄉橋，於1984年1月廣福新橋封閉，以便改道工程，拆卸後再興建行人橋連接，於1987年12月現時的廣福橋正式啟用。

廣福橋︰2014年

上一代的廣福橋在三十年前開始拆卸，由於有歷史價值，雖然舊橋消失，但橋上的「廣福橋1957」及不少石柱，安置在附近的廣福橋花園裡，讓人回看這段歷史回憶。

 

 問題是，既然道路消失了廿多年，政府到2014年才刊憲除名，會否太遲呢？難道有網民笑稱它做了多年「國王的新橋」吧！

成批會由2014年開始，會製作介紹街道的短片，廣福新橋同湖堤街既短片要遲D先有得睇，最重要有你既支持就得啦！

 

 

 

 

 

 

麥加力歌街錯字路牌事件上左太陽報！

如果大家唔知發生咩事，個BLOG得我一個人寫同睇，我知發生咩事就得啦！

是咁的，今年7月25日灣仔區的麥加力歌街刊憲命名，我去現場睇過，發現現場有新舊兩個路牌，其中舊既路牌係啱既，而新既路牌第一個英文字既第三個字母，正確應該係G，但佢寫左g。當然成個灣仔咁多人，無理由灣仔居民會睇唔到，由灣仔居民去投訴亦好正路，結果政府都係要認衰，等緊換過副新既上去。

《太陽報》2014年8月18日

消失的街道︰湖堤街（屯門區）15-8-2014

不寫不寫還需寫，咁就寫左個容易D既先，消失的街道——湖堤街（屯門區）。



湖堤街位於屯門的南面，在1990年11月2日命名，當年說明的內容︰

「此街以其與湖山路的交界處為起點，先向東北伸展約30米，然後轉向西北伸展約70米，再轉向西南伸展約30米至與湖山路交界處止。其路線在TMRM18號圖則上以黑斜線標明」（公告第3962號）

 

1990年的屯門南面仍在發展當中，當年的憲報圖TMRM18，豐景園一帶仍未發展，湖堤街就在現時兆禧站的東北面；可惜因為是一條普通不過的小街道，在網上找圖片只得寥寥幾張圖片，唯一影到湖堤街路牌的，是2006年《蘋果日報》︰

《蘋果日報》︰2006年2月8日

直至政府計劃在湖堤街，興建屯門第44區聯用綜合大樓，包括搬遷青山魚類批發市場至此，根據區議會文件才能看到湖堤街的全境（上圖），而大樓在2011年落成啟用（下圖）。

湖堤街因為興建大樓而消失，所以地政總署根據香港法例第1章第46條(c)款，撤回在1990年的命名公告。

 

在網上是找不到有標示湖堤街的地圖，今年的《香港街2014》亦無標示湖堤街，估不到在附近的輕鐵兆禧街的街道圖，竟然會繼續標示這條不存在的街道，不知港鐵是否無做資料更新吧！

好啦，介紹完湖堤街之後，跟住就要介紹廣福新橋，估不到背後有過百年的歷史介紹，需要D時間整理資料，希望八月尾前能夠寫到出嚟，加油！

成批會新BLOG第一擊！

成批會做一樣好多香港人都唔會做既野，每個星期五留意憲報，就係留意香港新街道，今個星期五最新一期憲報，有好多年都無出既「刪除街道命稱」公告，包括係大埔區既廣福新橋同屯門區既湖堤街，我會繼續搵資料去寫出嚟，希望大家支持下！

估唔到……我又要寫BLOG了啦！

如果你是第一次睇呢個BLOG，我要同你講聲多多指教！

成批會其實係2007年6月5日出現，係YAHOO BLOG一個人在寫，估唔到連YAHOO BLOG都可以收檔！2012年7月1日轉戰FACEBOOK，但繼續無人理，2014年8月16日決定轉投GOOGLE BLOG，希望GOOGLE生性D，唔好十年後又話收檔！

成批會有一樣野，係七百萬人中得我一個做緊，就係留意香港的新街道，用相同片留下來，對住香港人對牛彈琴，係咪有鋪傻勁呢？

雖然我知我寫BLOG無人睇，但如果真係有人會支持，我真係要多謝你！